ماذا تعنى كلمة عبادة ؟!

السلام عليكم ورحمة الله وبركاته

ماذا تعنى كلمة عبادة ؟!

(آيبون , تآئبون ,عابدون ,لربنا حامدون)

هو الشغل عبادة ؟!

هو قضاء الحوائج عبادة ؟!

هو الترفيه عبادة ؟!

هو الفرح عبادة ؟!

هو ليه الواحد مننا لما بينغمس فى الدنيا بيحس أنه بعيد عن ربنا ؟!

هو مش المفروض هو فى عبادة ؟؟!!


أين الاشكالية ؟؟؟!!!

" عندنا حاجات كتير محتاجين نصححها من خلال عابدون "


لكن مفهوم العباده حصل فيه تشويش ,

مفهوم العبادة مش واصل للناس زى ما ينبغى أنه يكون عليه كل فرد مسلم


علشان كده هدفنا فى البرنامج حاجتين :

* أول حاجة : نصحح مفهوم العبادة عند الناس
* ثانى حاجة : نعيش لذة العبادة عايزين نعيش حلاوة الايمان ,
عايزين نطعم طعم الإيمان مش عايزين تبقى عبادات مجرده..

لكن هو فيه شوية أخطاء

وإحنا محتاجين إننا نصوبها أو نصححها

يعنى مثلا يا جماعة بعض الناس بيتصور إن الهدف فى الحياة ,

يعنى مثلا أنه لو صلى يبقى مفيش بعد كده ,

واحدة مثلا بتقول إنها لو لبست حجاب أو لبست الخمار أو النقاب تبقى مفيش بعد كده,,

أكبر حلم ليها إنها تتزوج واحد صالح

وأكبر حلم ليه إنه يبقى طالب علم ،

أكبر حلم ليه إنه يبقى داعٍ إلى الله عز وجل ...
إمتى بجد تبقى حاسس إنك ملتزم ؟؟!!

إمتى بجد تبقى حاسس إن أنت بجد عابد لله تبارك وتعالى ؟!
فى تصور تانى بعض الناس تقول أنا بحس إن أنا عابد لما أعمر الأرض ,,
مش ربنا - سبحانه وتعالى - أمرنا بتعمير الأرض
(وَاسْتَعْمَرَكُمْ فِيهَا)
أنا لما أستعين باللى ربنا سبحانه وتعالى سخره لينا فى الكون
علشان نصنع الحياة بجد ,
علشان ما نبقاش صفر على الشمال ,,,
أنا ساعتها بحس إن أنا عابد .

بعض الناس بتقول :
لا والله عمر ما هنعيش المعانى دى

وعمر ما دا هيكون حاصل ولا عمرنا هنكون عباد بجد

ولا هنعيش طعم الالتزام ولا طعم الاستقامة

إلا لما يبقى فيه مناخ

لما تبقى فيه دولة إسلامية ,

لما يبقى فيه حكم إسلامى ,

هو ده الهدف اللى أنا عايش من أجله ....!!

وأنا أقول :
" إن كل الأفكار دى إنها للأسف
لا تصلح إنها تكون هدف من أجله نعيش "
عابدون عايزين نقول إن العبادة الحقيقية هى لما نكون

' قائمين بواجب الوقت '
لما نيجى نقول الشغل عبادة ؟!

أيوه عبادة ,

لكن لما ييجى وقت الصلاة تبقى الصلاة دلوقتى العبادة ..

لما يكون دلوقتى وقت أذكار الصباح والمساء تبقى هى دى دلوقتى العبادة ..

دلوقتى وقت لازم تقبّل فيه إيد ورجلين والديك تبقى هى دى العبادة..

العبادة دلوقتى تعود مريض..

العبادة دلوقتى تشييع جنازة ..

العبادة دلوقتى ترفه عن نفسك وعن أهل بيتك ..

العبادة دلوقتى أنك تكون فى مهنة أهلك



' العبادة دلوقتى ان انت بجد تبقى قائم لما يحبه الله ويرضاه. '


العلماء قالوا إن العبادة هى :




"كل ما يحبه الله تعالى ويرضاه


من الأقوال والأفعال الظاهرة والباطنة "







العلماء بيقولوا إنه كل كلمة إنت بتنطقها ربنا بيحبها


كل شىء أنت بتعمله ربنا راضى عنه وبيحبه ..


" هى دى العبادة "


العبادة مش بس صلاة وصيام وحج وعمرة وصدقة و..


مش بس هى دى العبادة دى مجموعة من العبادات

لكن فى عبادات تانية إحنا غافلين عنها

علشان كده عايزين ' عايزين نعيشها
فى عبادات قلبية :


التوكل عبادة ..

الاحتساب عبادة ..

أنه الواحد يبقى مخلص لله تبارك وتعالى عبادة ..

الصدق عبادة ..

الحب لله عبادة ..

الصبر على البلاء عبادة ..


الرضا عن الله عبادة ..

- وفى نفس الوقت فيه مجموعة من المعاملات برده عبادات -

هى دى الأخطاء اللى احنا محتاجين نصححها
-علشان كده جت فكرة برنامج عابدون علشان نصحح الاخطاء دى ونصوبها -



عايزين نرفع شعار بعد كل حلقة

( لن يسبقنى الى الله أحد )

:: كما قال أحد السلف المفروض لو حد سمع إن حد أطوع لله منه
ينبغى أن ذلك يحزنه ::
وعايزين نحقق معنى

آيبون

تائبون

عابدون

لربنا حامدون

نقلاً عن فضيلة الشيخ : ' هاني حلمي '

جزاك الله خير .. اخي العزيز .. وجعلنا وياكم من اهل الجنه ..