محاكمـة فرعـون (سلسلة متجددة) حسب التساهيل

white_heart · 02-06-2011, 08:25 AM

اقتباس:
المشاركة الأصلية كتبت بواسطة white_heart

وأنا بكتب الشرح تحت بالعربي

اقتباس:

المشاركة الأصلية كتبت بواسطة جهاد عفانة

انا عم بكتب ألماني ؟؟

أنت خدت بالك
طب متزعليش حقك عليا
بكتب الشرح بالعامي
في انتظار جديدك والله يعنا على الترجمة

white_heart · 05-06-2011, 04:39 PM

(7)

.. دخل (هامان) , معه كبير الحراس , و بعض كبار رجال الدولة ؛ مهرولين علي (فرعون) , حتى إنكفأ بعضهم على الأرض. يصرخون , و يولولون كمن يطاردهم الليث. ثم قال أحدهم بصوت متهدج:
- مولاي.. لازم نهرب بسرعه .. جموع الشعب بتقرب من القصر.. و لو مسكونا هينفخونا.. خلاص البلد وقعت ف إيديهم.. و ماعدش لنا مكان هنا..!!
استشاط (فرعون) غضباً , و قال فزعاً:
- إزاي ده حصل ..و إنتم كنتم فين..؟! ليه مدبحتوهمش كلهم .. ليه سبتوهم لما زاد أمرهم ..فين الجيش..؟!
أجابه (هامان) في حزن :
- ماهي دي المشكله يا مولاي ..الجيش وقف ف صفهم.. و بقى معاهم ..و احتمال ييجو يعتقلوك دلوقتي ..و جايز يعدموك ..!!
أسقط في يد (فرعون) و قال بذهول:
- طيب إيه الحل دلوقت .. أهرب إزاي..؟!
أجابه أحدهم على الفور:
- يامولاي ..أنا محضر لسيادتك عباره من مراكب الشمس ..عشان نهرب بيها عن طريق البحر..!!
نظر إليه بتوجس , و قال في خوف :
- أوعى ياممدوح .. تبقى زي السلام 98..؟!
أجابه بخبث :
- عيب ياريس.. دا أنا تلميذك..
فسأله بلهفة:
- طيب .. و هنروح على فين..؟!
أجابه في أسى :
- نروح ف أي داهيه .. المهم نهرب من حبل المشنقه .. لو معرفناش نهرب على السعوديه أو ليبيا .. نبقي نروح ف المنتجع بتاعنا إللي ف شرم الشيخ .. أو تكلملنا حد من الملوك أصحابك نعمل لجوء سياسي عنده .. أو نروح لندن .. نستخبي هناك من الإنتربول الدولي ..!!
أمّن على كلامه كل الحاضرين , و علت همهماتهم . فأشار لهم (فرعون) قائلاً:
- طيب خلاص ..عبوا العباره بالذهب .. و المجوهرات .. و الفلوس اللي ف الخزاين بسرعه .. لحسن ممكن يجمدوا الأرصده اللي ف بنوك سويسرا و أمريكيا ..!! و متنسوش التماثيل الفرعونيه بتاعتي .. و السجاجيد العجمي..!!
قاطعه (هامان) ساخراً:
- سجاجيد إيه يا مولانا ..هو إنت رايح تتفسح .. دحنا هربانين من الشعب .. شيل معاك ماغلي ثمنه.. و خف حمله بس ..!! المركب مش هتستحمل كل ده .. و المسافه لسه طويله ..و مش عارفين ظروفنا إيه..؟!
سأله في لهفة:
- طيب ..و الحريم بتوعي ..و ولادي ال120 ..!!
ضحك قائلاً:
- يا مولاي على رأي المثل.. إن جالك الطوفان حط ابنك تحت رجليك ..انفد بجلدك إنت الأول.. ماهمه ولادك و حريمك دول .. إللي ودوك ف داهيه..!!
قال بحزن بالغ :
- على رأيك .. ماهو انبطاح و أمه .. سبب البلاوي دي كلها.. يالا بينا ..!!
.. ركبوا جميعاً السفينة , مصطحبين معهم المئات من العبيد لأجل خدمتهم . و ما أن وصلوا إلي البحر حتي واجهتهم الأمواج العاتية , وانشق البحر أمامهم إلي نصفين . ثم غاصت العبارة بهم في اليم . و عندما شارف (فرعون) على الغرق ؛ أحس بالندم جراء ما صنعت يداه ؛ في وقت لا ينفع فيه الندم.
.. قبل أن نحاكم أي (فرعون) يجب أن نحاكم أنفسنا ؛ نحاكم تلك الحاشية التي أحاطته , و النظام الفاسد الذي ألهه ,و الشعب الخاضع الذي صنعه . هنالك مثل عامي يقول (يافرعون أيش فرعنك .. قال ملقتش شعب يردني) . يجب أن نعلم جميعاً أننا إلي الله يوم الحشر ماضون , و أن دولة الظلم ساعة , و دولة العدل إلى قيام الساعة , و أن بطش الله لشديد , و أنهم يمكرون و يمكر الله , و الله خير الماكرين , و أن كل نفس بما كسبت رهينة . اللهم لا تجعل الدنيا مبلغ همنا, و لا تفتنّا في ديننا , اللهم لا تخزنا يوم يبعثون , يوم لا ينفع مال و لا بنون إلا من أتى الله بقلب سليم .

تمت بحمد الله

جهاد عفانة · 06-06-2011, 09:58 AM

خاتمة جميلة
سريعة لكنها اختصرت كل ما يمكن قوله

تسلم الايادي وايت هارت

white_heart · 07-06-2011, 05:58 PM

اقتباس:

المشاركة الأصلية كتبت بواسطة جهاد عفانة

خاتمة جميلة

سريعة لكنها اختصرت كل ما يمكن قوله

تسلم الايادي وايت هارت

إنت إتأخرت عليا
وحسيت أننا بندن في مالطا
فقلت ألم الليله بسرعه و نفض المولد
أشكرك أخت جهاد على اهتمامك
دمت بود ودام تعاوننا الجميل